السلام عليكم و رحمة الله و بركاته :
كيفكم اخواتي الغاليات ان شاء الله بالف صحة و خير
صار لي الف سنة ما نزلت موضوع جديد ,, بس هلأ رجعت و الرجعة دسمة كالعادة
موسوعة شاملة لألذ و اشهر وصفات المطبخ التركي , من اطباق رئيسية و مقبلات و كل شي لذيذ جربته من الطبخات التركية الي بتااخد العقل
مصادري مختلفة ,, اهمها قريبة تركية لي طبخها بيجنن ,, و في كمان كتب و مواقع تركية مختلفة كتيررة
الوصفات كلها اصلية من مصااادر تركية , و مش متل اغلب الوصفات الموجودة على النت الي بتقول انها تركية و هي بتكون ما الها علاقة
ان شاء الله يعجبكم الملف ,, و لا تحرموني من ارائكم و تجاربكم ,, و الله يستااهلوا الطبخات
هلا خلونا نبدأ بسم الله
رح أبدأ الملف بوصفة من أشهر و ألذ الأطباق التركية التي تقدم في المطاعم التركية :: اسكندر كباب ::
كل
من راح لتركيا أكيد لازم يكون جربه ,, هلأ في شغله مهمة لهل الوصفة و هي
ان الخبز الي بيستعملوه بيكون سميك شوي أكتر من الخبز العربي الي كلنا
منعرفه ,, الخبز صاير ارق من الصمون بشوي و اهم الشي انه لااااااااااااا
يقلى قبل الاستعمال , نستعمله من دون قلي و كمان ما منحط طحينة مع اللبن ,,
هلا اذا قلينا الخبز و حطينا طحينة مع اللبن رح تطلع طيبة ,, بس مو اسكندر
كباب الأصلي
استخدمنا نوعين من اللحمة لحتى نستفيد من الدهن الموجود في اللحمة المفرومة .. لإضفاء نكهة مميزة و لذيذة ,,,
خلونا نبدا بسم الله
المقادير :
2 قطعة من فيليه ستيك بوزن 200 غ القطعة
200 غ لحم بقر مفروم
4 رغيف خبز مقطع مكعبات
ملح و فلفل
- مقادير التغطية :
لبن
2 كوب بندورة مبشورة
ملح و فلفل
2 ملعقة كبيرة زبدة
شرائح بصل رقيقة
طريقة التحضير :
• يعجن اللحم المفروم مع الملح و البهار ثم يعطى شكلاً مدوراً و يوضع بين قطعتي اللحم الستيك .
• تغطى قطعة اللحم المحضرة بالنايلون اللاصق ثم توضع في الفريزر طوال الليل .
•
في اليوم التالي تخرج من الثلاجة لمدة 45 دقيقة حتى تطرى قليلاً , ثم
باستخدام سكين حادة جداً تقطع إلى شرائح رقيقة جداً ثم تقلى في مقلاة غير
لاصقة و تقلب بلطف حتى تنضج , لا يجب أن ندع شرائح اللحم تحمر .
• تبشر البندورة ( و لا تفرم ) ثم توضع على النار مع القليل من الملح و الفلفل و تترك حتى تتسبك .
• يفرش الخبز في طبق التقديم و يغطى بقطع اللحمة ثم تنثر صلصة البندورة فوقه و توضع بضع ملاعق لبن بجانب الصحن .
• تذوب الزبدة في قدر صغيرة حتى تغلي ثم تصب فوق صوص البندورة .
• يقدم الإسكندر كباب حالاً مع شرائح البصل الرقيقة و الخس و الفجل .
• يمكن استبدال اللحمة الستيك و المفرومة بصدور الدجاج المقطع لشرائح رقيقة .
المزاج
