الجمهره

موضوع: الجمهره الثلاثاء يونيو 28, 2011 1:28 pm

الجمهرة

إي بالله اخطو, والخطا اللي جابهم " عين الصواب" مبــطي وانا اشوف الطمع يكـــشف رداهم واستره

مــا يملي عيـــون الحــسود بها الزمن غير التراب ومـــن لا يـــتوب مــــن الخطا تحرم عليه المعذرة

اللـــي مـن أولها خــــراب ...أكـيد تالـيها خراب والــــبندق اللـــــي ما تثور في هــدفها ... تذعره

ودك ليا من جاتك الـــــغلطة من الـــــناس القراب !! "الصــاحب اللي مـــا كـــسبت محبته لا تخسره"

مشكــــلتي إني ما عرفت أحــسب لصدتهم حساب قــــلطتهم صـــدري على ذكــرى قـــصيد وحنجرة

صــوب يطــــول بمنبره , وخطاب مـا مثله خطاب والطيــــبة الـــلي زعـزعت صـوت الخطيب ومنبره

مـا فــيه دمـــع صـــوبوه احــبابي بوجهي وخاب ولازرق حـــزني عــــلى غـــالي,ولافـــج انــحره

كل الزهاب اللي معي...ذكـرى من أصحاب الزهاب واللــي بقي لي من عذاب 00اشرس طريقي وأخطره

لأني تجنـبت الغرق ... عـــديت من فـوق السحاب لان أكثـــر أصحـــابي ورق 00ماشفت للطيب أثمرة

والله مـــا حـــطيت بـــين الحـــقد والخـوة حجاب حتـــى غدوا ربعي يحدوني على الضيق .. (اشكره)

البــارحة ثـــارت عـــلى رقـــاب ..وآوتـني رقاب الـــبارحة يـــا ثقل دم الــــبارح ويــــا محـــــقره

أهــــب يا وجـــه الحسد وشـــلون جمعهم..وغاب كيف الســـنين اللي عطــــتني .. (بعثرتهم بعثره)

أثــر المصــايب..ماتـــــجيك إلا من الناس القـراب وبهالزمن حتى الخـــــوي اللي تـــثق فيه...احذره

لا بـــارك الله فــــي رفيق..تــــزعله كـــلمه عتاب ولا جــــمع الله الـــــرجال اللــــي تـــفرقهم (مره)

عــــودت نـــفسي كـــلما شـــددت في يـــمه ركاب مــــا اصــــد وجــهي عن طريق إلا ليا جبت اخبره

الصـــاحب اللي ما يجي من صحبته غير العذاب!! نذر علي إن ما هــجرني ... وإلا أنــــا اللي بهجره

مـــن يفتــــح لفرقاي باب .. افــك له عشرين باب وإذا خــــويي ما يــــقدر خـــــوتي مـــــــــــا قدره

إن (روحوا) فـــانا بــــري منهم إلـي يوم الحساب وان (جروا) قـــولوا لـــــهم ما حــــركوا في اشعره

شفـــهم لهـــم حـول السنة.. ولا خذوا مني جواب أحـــسن دوا لـــلي يـــــحاول يستـــفزك ...تحقره

انـــا جمـــعت أورقهــم بكتاب ... وأغلقت الكتاب يـــا وقـــت لـــم الــــلي تــــلمه,وانثر اللي تنثره

مـــا كنت احاتــــيهم صغير ..عاد احاتيـهم شباب إن مـــا ذخـــرت صــــاحبي لليوم الاسود ما اذخره

عـــقب اكتــــئاب البـارحة ما عاد إنا حمل اكتئاب الطيب جـــرجرني , وانا مـــاني بنــاقص جرجرة

الــــلي يخــــاف مــن الظما يترك لنا طرد السراب واللي مـــا هــــــو بقد الظلام ووحشته .. لا يسهره

أنـــــــا..تجرعت العطش لين احترق وجهي وذاب أنـــا.. كـــسرت بـــخاطري قبـــل الصداقة ت***ره

أنــــــــا..خــسرت اللي غيابه غير عن كل الغياب أنـــا... غـــفرت لــــعالم ... ما تـــــستحق المغفرة

أنـــــا أكثر (إنسان تعلم ) من كثر ما أخطا وأصاب أنــــا آخر (لســـان يــــتكلم ) في زمـــان الثــرثره

أنـــــــا (القصيد للي فزع) من دفتره...مليون ناب وانـــا (الوحــــيد اللي جمع ) مليــون ناب بدفتره

جـــــفني وجرحه السهر , حيلي وهدته الصعاب دمعي هدر .. ضحكي ندر ... عمري وضيعت اكثره

شيبت بعقول الـــعرب .. هـــيبت روس ما تـهاب جمــــــهرت نـاس عمرهم ما يعرفون ( الجمهرة )

مــــا (صرت ذيب ) إلا لان الــــلي حواليني ذياب مـــــا (كنـت أغيب) إلا لان الـــعفو عــــند المقدرة

تـــــرى حلاتك , لا حملت لصاحبك كـــلمة عتاب إن مـــا نطـــقت ابها بوجهه..ما تـــذمه بـــظهره

في هالــــزمن ما يمــــلي عيون الــحسود إلا التراب وإلا الحظيظ .. الطلـــــقة اللي ما تـــــصيبة تذعره

ودك ليا من جـــاتك الغـــــلطة من الــناس القراب " الصـــــاحب اللي ما ***بت محبته .. ما تخسره

» الجمهره