فـديـتـِِ{قـلـبكـِِ}
شخصيه هامه
المزاج : 
عدد المساهمات : 169
السٌّمعَة : 2
تاريخ التسجيل : 28/03/2011
الموقع : انا من السعوديه بس مدري مافي علم للسعوديه + هلايه وافتخر
 المزاج : دلـــــوعـــهَِ{مــــرهـَِ}
 | | موضوع: رسائل مرعبة < رواية طويلة > الجمعة مايو 06, 2011 10:23 am | |
| رسائل مرعبة
رجع فهمى من عمله مرهق بشده . ناظراً لباب شقته نظره المتلهف على الراحه بعد طول عناء
وبعد أن فتح باب شقته حتى أرتمى عند أقرب مقعد قابله فى صاله المنزل
متنفساً بسرعه رهيبه..وكأنه كان فى سباق طويل مع الوقت أو الزمن أو قل كل ماتريد من أنواع السباقات الانسانيه
تلك السباقات التى بدء فهمى بالتفكير فى معانيها .
وكيف أنه أصبح كالعربه التى لا تقف ولا تتمهل ولا تبطىء حتى لتتزود بالوقود
أستغرق بطلنا هذا فى بحور تلك الافكار التى كانت تتقاذفه مره ذات اليمين وطاره ذات اليسار .
حتى أفاق من تفكيره وهو يزفر بشده نافضاً عن نفسه كل تلك الافكار المتعبه
قام من مكمنه ورفع سماعه الهاتف ضارباً رقم صديق عمره ورفيق دربه وهو أيضاً من تبقى له من كل البشر الذين يعرفهم فى الحياة الدنيا
فهوا يتيم الابوين.بلا أخوه بتاتاً .
أو كما يقولون. مقطوع من شجره...أنتظر بضع ثوان حتى سمع صوت محدثه يقول له
الو....فهمى .أنت رجعت من الشغل ؟
رد فهمى فى غيظ قائلاً : لا. لسه مرجعتش ياناجى. ده أنت بنى أدم غريب صحيح !!
لو كنت لسه فى الشغل أمال بكلمك من البيت أذاى يافالح ؟
سمع فهمى قهقه رفيقه وهو يقول : ها ها ها . انت دايماً كده لازم تبتديها تريقه على !
أبتسم فهمى قائلاً فى ود حقيقى : يعنى لو مضحكتش معاك أمال هضحك مع مين؟مانت عارف أنى مليش غيرك
رد ناجى قائلاً : خلاص بقى .هو أنت هتقلبها مناحه.المهم هتعمل أيه الليلادى ؟
رد فهمى فى ضيق : صدقنى مش عارف. أنا هريح شويه وبعدين هدخل على شبكه الانترنت وأشوف الاميل بتاعى فيه أيه جديد
صرخ ناجى : ياعم فهمى.ماكفايه أنترنت فى الشغل وكمان هنا .هو أنت مبتزهقش خالص!
فهمى : طب قواللى أنت .أيه اللى ممكن أعمله؟
ناجى: لا قصدك أيه اللى ممكن نعمله أحنا الاتنين.تعال عندى ونخرج نتفسح شويه على الكورنيش
نأكل ذره مشوى أو حمص شام ...ونشم حبه هوا
رد فهمى فى تلقائيه : ماشى كلامك...ساعه واحده وهكون عندك
وعــــــد ******جلس الصديقان فوق أسوار كورنيش النيل ناظرين بعيون مملؤه حب وعشق لمشهد نيل مصر الخالد فى تلك الليله المقمره من ليالى الصيف الحاره...ثم التفت ناجى ناحيه فهمى قائلاً له :عامل أيه فى جرنالك يافهمى.وأيه أخر أخبار العالم عندك؟التفت فهمى قائلاً فى أهتمام واضح : الاخبار عندنا بتجرى بطريقه عجيبه والحوادث بتتسارع وتيرتها بشدهضحك ناجدى هاتفاً : ياعم فهمى .أنت مش عايز تنسى طريقه الصحفى.! أنا عايز أعرف الاخبار بتاعه الارهاب والحوادث اللى كل يوم والتانى بنسمعها ؟رد فهمى : الارهاب ذى مانت عارف موجود فى كل حته فى العالم .ده حتى أحنا أمبارح جالنا جواب تهديد من جماعه أرهابية بتفجير الجريده والانتقام مننا علشان الموضوعات اللى بنكتبها عنهمفغر ناجى فاه فى رعب قائلاً : ياليله سوده .وبعدين عملوا أيه؟هز فهمى أكتافه قائلاً : ولا حاجه .الموضوع ده مش جديد علينا .وكل فتره بيجلنا جوابات ورسائل بالشكل ده ..يعنى هنعمل أيه ؟. ولا حاجهصرخ ناجى بقوه قائلاً بصوت مرتفع جعل كل من حوله يلتفت اليه :أذاى التهريج بتعكم ده..الناس دى مبتهزرش .والاخبار بتاعتكم عنهم أكيد بتهيجهم عليكم.رد فهمى فى لا مبالاه رهيبه وهو ينظر لمياه النيل :طب يعنى هنعمل أيه؟.العمر واحد والرب واحد.ثم التفت لناجى قائلاً له: بقولك أيه؟رد ناجى : أيه؟تكلم فهمى بطريقه غامضه أرتعشت لها جوانح ناجى قائلاً :طب تعمل أيه لو جالك خبرى وعرفت أنى أنقتلت بهجوم أرهابى من الجماعات دى ؟رد ناجى وهو ينفض عنه هذا الرعب : حرام عليك يافهمى .أنت بتقول أيه.ده أنا كنت ساعتها هيكون كل هدفى الانتقام منهم .بلاش كلامك العبيط ده.ربنا يعطيك طوله العمر وأشوفك كده رئيس تحرير والا مدير عام الجريدهرد فهمى بنفس الغموض قائلاً : طب أنا عندى فكره .توعدنى وعد أخ لاخيهأستفسر ناجى قائلاً : وعد؟.أى وعد ده؟أبتسم فهمى قائلاً : لو لا قدر الله وحصاللى حاجه توعدنى أنك تستنى منى رساله على الاميل بتاعك نظر ناجى بشده لصديق العمر كأنه ينظر لمختل عقلياً غير مصدق ما يسمعه .ثم أجاب :أنت بتهزر أكيد؟.أكيد أنت بتهزر .صح ؟هز فهمى رأسه بالنفى قائلاً بكل جديه :طبعاً لا.أنا بتكلم جد..وجد جداً كمان .توعدنى ؟بلع ناجى ريقه قائلاً : طب هتبعت جوابك أذاى أذا كنت أنت لاقدر الله فى عداد الاموات؟أنفجر فهمى فى الضحك وهو يقول له ذلك القول الذى نزل على صاحبه كأنه صاعقه مدمره :هكتبلك من العالم الاخر.هبعتلك رساله من الاخره ها ها ها ها ************************محادثه
********
فتح ناجى جهاز الحاسب وبدء فى تصفح الرسائل الخاصه بصندوق الاميل ..
واجداً بعض الاعلانات السخيفه عن أنه فائز بجائزه كذا وكذا .فضحك وهو يعلم أنها خدعه من الشركات التى تستغل الحاله النفسيه والطمع لدى البشر .وفجأه وهو مندمج مع الرسائل الا وأضاء أمامه مكان المحادثه بينه وبين فهمى فتبسم ناجى كاشفاً عن الكلمات المرسله من صديقه فقرأ المكتوب وهو
هاى ناجى.بتعمل أيه على النت
ناجى : لا شىء .كنت بتصفح الاميل فقط .أنت فى الشغل؟
فهمى : أينعم ..لسه مخلص بعض الصور اللى التقطها عن الحريق اللى عمله الارهابين فى مبنى حقوق الانسان
ناجى : ياسلام على الهمه والنشاط!. ده لسه الحادثه سامعها من ساعتين أو تلاته بس
فهمى : أمال .أخوك أسرع مصور صحفى فى البلد.
ناجى : طب أيه الجديد فى الصور دى؟
فهمى : أنا صورت حبه صور تحفه أكيد هتأخد واحده منهم جايزه التصور الصحفى السنادى
ناجى : ياسلام.للدرجادى؟
فهمى : طبعاً .. دى الصدفه وحدها هى السبب فى الصور دى..أخوك اللى هو أنا صورت الحدثه وهى بتحصل.فاهم يعنى أيه وهى بتحصل ؟
ناجى : أذاى الكلام ده .؟هو أنت كنت عارف بالعمل الارهابى ده قبل ما يحصل ؟
فهمى : لا.طبعاً ..بس أنا كنت رايح أعمل ربورتاج بالصور عن مركز حقوق الانسان ده.
وبالصدفه شفت الارهابين دول وهما بيرموا قزائف الموليتوف مع ضرب النار من رشاشاتهم بداخل المركز
ناجى : ها..وبعدين؟؟
فهمى : ثانيه واحده.باين فيه حاجه بتحصل هنا عندنا ؟
وأنقطع خط المحادثه من أمام ناجى
الذى أنتظر بضع دقائق بلهفه ..حتى رجع وظهر فهمى على خط المحادثه
ناجى : فيه أيه عندكم يافهمى؟
فهمى : باين كده المبنى اللى أحنا فيه أنضرب بالقنابل
ناجى : بتقول أيه ؟! أنت بتهزر والا الموضوع بجد ؟
فهمى : بجد.بجد.ده حتى أنا فيه دم نازل من نافوخى وحاسس أن جسمى كله مولع نار
ناجى : فهمى.فهمى..بلاش شغل العيال ده وأتكلم عدل .متخوفنيش عليك كده
فهمى : معلش أنا هقفل دلوقتى وأستنى منى رساله .ماشى؟
ناجى : طب أستنى رساله ليه ماأحنا هنشوف بعض بالليل ؟!
وفعلاً أنقطع خط الاتصال والمحادثه مع فهمى للمره التانيه.دون أن يجد أجابه لسؤاله
أسرع ناجى بفتح التلفزيون..وقبل أن يجلس فى مواجهته حتى شاهد مبنى الجريده التى يعمل بها صديقه فهمى والنيران تندلع من كل طوابقه الخمس وبعض حوائطه مهدمه
وهناك سيارات الاسعاف والشرطه وهرج ومرج وأناس محترقه وبعض الاشلاء المبعثره فى نطاق واسع من المكان
نظر ناجى بشده وهو يكاد أن يغمى عليه من هول المشهد ..ولكنه تماسك وخرج مسرعاً لجريده صديقه ورفيق دربه فهمى ..خرج والخوف بل الرعب يقتله على صديقه
**************************************
الصدمه
************
حاول ناجى أن يخترق نطاق الامن الضارب بالمكان فلم يستطع ..حتى شاهد مدير تحرير الجريده فصرخ له:
ياأستاذ رائد..ياأستاذ رائد ..أنا ناجى صاحب فهمى ..
أشار رائد للشرطه أن تسمح له بالعبور ففعلت
جرى ناجى ناحيه رائد هاتفاً فى فزع : حصل أيه ياأستاذ رائد ؟
رائد : مش عارف ؟.أنا كنت فى مشوار خارج الجريده..ولما سمعت بالحادثه رجعت جرى
ناجى : طب متعرفش فين فهمى ؟
نظر له رائد نظره حزينه قائلاً بمراره:
فهمى ...فهمى تعيش أنت ياناجى يابنى...
دارت الدنيا بناجى فى سرعه وقوه ضاربه به الارض ليسقط مغشياً عليه من هول وفداحه الصدمه
**************************
| |
|
